منتديات طب الإسلامية

مرحبا بك في منتديات طب الإسلاميه ...

    إحدى عجاب الخرطوم السبع

    شاطر
    avatar
    محمد عبدالجليل سعيد
    عضو فــعَّال
    عضو فــعَّال

    الدفعة : الحادية عشر
    عدد المشاركات : 101
    تاريخ التسجيل : 20/07/2008
    نقاط التمييز : 3470
    التقييم : 2

    إحدى عجاب الخرطوم السبع

    مُساهمة من طرف محمد عبدالجليل سعيد في الإثنين 06 أبريل 2009, 06:03


    استئجار (النائحات) في المآتم هي إحدى ظواهر عديدة اجتاحت المجتمع السوداني الذي تسارعت فيه عجلة التغيير في السنين الأخيرة. هذه الظاهرة تناولها بطرافة : كتاب
    (عجائب الخرطوم السبع).
    لفت نظري قبل ثلاثة أسابيع في منزل ضخم واسع بوسط محافظة الخرطوم حيث ذهبنا لتعزية صديق في والده, لفت انتباهي مرور امرأتين في حالة بكاء وعويل وهما تدوران حول المبنى الداخلي وبالتفرس في وجهيهما وسحنتيهما أيقنت أنهما ليستا من أقارب المرحوم ولاحتى من معارفه, ولما اشتد بي (الشمار) سألت أحد أقارب المرحوم من الشباب عنهما فقال لي: ديل يا عمو (بكايات) يعني ببكن بالقروش، المستطيع يأجرهن طوال أيام المأتم والعاجز يكتفي باليوم الأول فقط!! لاحظ العاجز دي..


    تحضر النائحة إلى منزل العزاء وتطلب الـسي في ، أي السيرة الذاتية للميت من زوجته أو ابنته الكبرى:


    العمر: 70 عاما.


    المهنة: ضابط معاش وله وكالة سفر وسياحة.


    المستوى التعليمي: دبلوم الحربية زائدا بعض الكورسات في الترجمة والحاسوب.


    أسماء أكبر الأبناء والبنات: فيصل, أحلام, رابحة, عواطف.


    هل قام بأي عمل بطولي: نعم, محاولة انقلابية فشلت في فترة الرئيس نميري.


    تأخذ النائحة المعلومات وتعقد اجتماعا عاجلا بزميلاتها وبعد التداول يخرجن للملأ وهن يرددن: الليلة ياب دقنا دايرة وخدودا نايرة وقدرتن فايرة وشيكاتن طايرة- كتلنا فيك الليلة يا أبو أحلام يا الشالوك للصالح العام وحكموا عليك بالإعدام – ما دايم إلا الله ووووووووووووووووووووووووب وأحييييييييا.. الليلة يا السايق الكراون يا أب مدفعا هاون وينك لينا؟ أوروروووووووووووووووك.. وهنا يهج البيت ويفور بالعويل والنواح وتميل النائحة يسارا ثم تنحني ضاغطة بيدها اليسرى على أنفها ثم تنظر إلى ابنته الكبرى نظرة ذات فحوى ولسان حالها يقول: لقيتيني كيف؟ وتواصل في الوصف وتعديد مآثر الفقيد: الليلة يا الساكن ديم لطفي أب كلمة تشفي الما متزوج عرض زايلة وخربانة (يعني مازول دنيا) ، البجيك بتجبرو والواقع بتشيلو يا السايق الباجيرو.. مو دار عمار فقدتك السكرتيرة والطربيزة المستديرة والمرسيدس الخنزيرة خليتنا لمنو ياخووووووووووي يي يي يييي إهيء ؟! لاحظ العربة قبل دقائق كانت كراون!



    بعد ذلك تذهب النائحات إلى غرفة قصية حيث يؤتى لهن بالثريد والإدام والزواحف والبارد والساخن وعند الانتهاء من هذه المأدبة تنقد البنت الكبيرة النائحات مبلغ 300 ألف جنيه وتقول لهن همسا: ضروري حضوركن بكرة المغرب عشان ناس السعودية والبلد جايين.. كويس؟



    النائحات : ألله أكبر ، أجي ! عاد دا كلام يا بتي ؟ نحن بنقصر ؟




    avatar
    محمد علي أحمد
    المشرف العام
    المشرف العام

    الدفعة : العاشرة
    عدد المشاركات : 1299
    تاريخ التسجيل : 18/07/2008
    نقاط التمييز : 3637
    التقييم : 3
    دولة الإقامة : السودان

    رد: إحدى عجاب الخرطوم السبع

    مُساهمة من طرف محمد علي أحمد في الإثنين 06 أبريل 2009, 10:37

    الكلام دا بالجد ولا ونسه منك ساي يا جليل ؟

    What a Face What a Face What a Face What a Face What a Face


    _________________
    avatar
    كبلو
    مراقب عام
    مراقب عام

    الدفعة : العاشرة
    عدد المشاركات : 880
    تاريخ التسجيل : 18/07/2008
    نقاط التمييز : 3764
    التقييم : 8

    رد: إحدى عجاب الخرطوم السبع

    مُساهمة من طرف كبلو في الإثنين 06 أبريل 2009, 14:53

    Very Happy حمدلله على سلامتك يا جليل وعودتك لينا في المنتدى من جديد

    الموضوع قمة في الغرابة وقمة في الظرافة
    لكن ما مستغرب في زمنا ده في السودان
    اتخيل لي اسرع بلد بيتغير اجتماعيا
    ما عارف ليه


    _________________
    avatar
    محمد عبدالجليل سعيد
    عضو فــعَّال
    عضو فــعَّال

    الدفعة : الحادية عشر
    عدد المشاركات : 101
    تاريخ التسجيل : 20/07/2008
    نقاط التمييز : 3470
    التقييم : 2

    رد: إحدى عجاب الخرطوم السبع

    مُساهمة من طرف محمد عبدالجليل سعيد في الإثنين 06 أبريل 2009, 15:39

    المدير سلامااااات
    الموضوع جاني كرسالة عل الايميل ولانه موضوع اجتماعي يحتاج النقاش آثرت ان افتح صفحاته عل المنتدي
    الرائع كبلو
    حمدالله عل سلامتك ومعافاتك
    الموضوع فعلا غريب وطريف لكن ف خرطوم المتناقضات ماف حاجة ممكن ماتحصل
    وتيرة التغير الاجتماعي هي عجلة تدور بالتلاقح وتبادل الفعل الاجتماعي لهذا دايما هي الظاهرة الاجتماعية هي نتيجة نهائية لمتغيرات تحدث شرخ عل جدار الفعل المجتمعي للبشر
    ونحن كجزء صغير من كوخ عالمي نتأثر ونؤثر.وتحليل هذا ميكنزمات هذا التأثر والتأثير هو تحليل لكيف يعيد المجتمع اظهار نفسه..
    سأعود لاحقا
    avatar
    رامي عبداللطيف
    عضو ســـاحر برونزي
    عضو ســـاحر برونزي

    الدفعة : الحادية عشر
    عدد المشاركات : 604
    تاريخ التسجيل : 04/03/2009
    نقاط التمييز : 3919
    التقييم : 3
    دولة الإقامة : السعودية

    رد: إحدى عجاب الخرطوم السبع

    مُساهمة من طرف رامي عبداللطيف في الإثنين 06 أبريل 2009, 19:02

    اهلا يا دفعة جليلو الغالي
    الموضوع ما لاقاني في السودان رغم انو حضرت كتير من المأتم
    لكن بالجد في الزمن ده مابستغرب الحاصل ده
    avatar
    نصر الدين الزبير
    مراقب عام
    مراقب عام

    الدفعة : العاشرة
    عدد المشاركات : 1450
    تاريخ التسجيل : 04/09/2008
    نقاط التمييز : 4173
    التقييم : 5
    دولة الإقامة : السودان

    رد: إحدى عجاب الخرطوم السبع

    مُساهمة من طرف نصر الدين الزبير في السبت 11 أبريل 2009, 12:54

    جليلو تسلم على الموضوع الشيق
    كبلو حمدا لله على السلامة للمرة التانية
    محمد على انا شخصيا مامستغرب ولا متعجب لانه اذا الناس فى السودان بقت تجيب من يغسل موتاهم فماالغريب فى احضار من يبكيهم
    عارفين الحكاية زكرتنى طرفة:
    بقولو فى واحدة والدها اتوفى فكانت بتبكى وتنيح وتوصف فى والدها وابوها ماكان الزول المعروف ولاصاحب سجايا مميزة فكانت بتقول فى وصفها (ابوى كباس دهايم الليل) فواحدة من المعزيات ماعجبها كذب البت جات قالت ليها يابت ماتكضبى ابوك بالنهار ماشادى حيلو خلى بالليل


    _________________


    avatar
    كبلو
    مراقب عام
    مراقب عام

    الدفعة : العاشرة
    عدد المشاركات : 880
    تاريخ التسجيل : 18/07/2008
    نقاط التمييز : 3764
    التقييم : 8

    رد: إحدى عجاب الخرطوم السبع

    مُساهمة من طرف كبلو في السبت 11 أبريل 2009, 22:22

    الله يسلمكم ياشباب

    شوية وبرجع ليكم بمزاج


    _________________
    avatar
    yaseen alameen
    عضو ممــيَّز
    عضو ممــيَّز

    الدفعة : fifteen
    عدد المشاركات : 318
    تاريخ التسجيل : 24/07/2008
    نقاط التمييز : 3553
    التقييم : 0
    دولة الإقامة : السوووووووودااااااااااااان

    رد: إحدى عجاب الخرطوم السبع

    مُساهمة من طرف yaseen alameen في الإثنين 08 فبراير 2010, 21:37

    الموضوع ده مش لسه فيه كلام ؟؟؟؟؟؟؟

      الوقت/التاريخ الآن هو الإثنين 20 نوفمبر 2017, 04:21